YARAT Film Klub: Kon-Tiki
"Kon-Tiki" (Norveç, 2012)
Rejissorlar: Xoakim Ronning, Aspen Sandberg
Ssenari müəllifləri: Petter Skavlan, Allan Skott
Rollarda: Paul Sverre Valheim Hagen, Anders Baasmo Kristiansen, Tobias Zantelman, Gustaf Skarsgard, Odd Magnus Villiamson
Filmin müddəti: 120 dəq.
YARAT Film Klub Norveç Krallığının Azərbaycandakı səfirliyinin dəstəyi ilə "Kon-Tiki" filmini təqdim edir.
"Okeanın ortasında həqiqət axtarışında", bu şüar altında 2012-ci ildə tanınmış rejissorlar Xoakim Ronning və Espen Sandberg tərəfindən çəkilmiş "Kon-Tiki" filmi tamaşaçılara təqdim edildi.
"Kon-Tiki" – real hadisələrə əsaslanan tarixi bir macəra filmidir. Film, məşhur Norveç səyyahı Tur Heyerdala həsr olunub. Onun ekspedisiyası tarixdə əsl şücaət kimi yadda qaldı. 1947-ci ildə Sakit okean suları üzərində edilən bu səfər ona dünya şöhrətini gətirdi. Və bunun üçün yalnız 9 balsa ağacından hazırlanan “Kon-Tiki” adlı kiçik bir sal istifadə etdi. Sal, inklərin günəş tanrısının, Virakoçanın şərəfinə adlandırılıb, "Kon-Tiki" isə bu tanrının köhnə adıdır...
Film, ideyanın yaranması, səfər ərəfəsində hazırlıq işləri və səyahət zamanı baş verən hadisələr barədə bəhs edir. Tur Heyerdal 5 nəfərlik heyətlə birlikdə Sakit okeanı keçərək, Cənubi amerikalıların Kolumb dövründən də əvvəl okeanı keçə biləcəyini və Polineziya adalarında məskunlaşdıqlarını sübut etdi.
Bu səfərdə qəhrəmanlar müxtəlif təhlükələrlə üzləşir: böyük balinalar, qaniçən köpəkbalıqları, göy gurultulu fırtınalarla mübarizə - bu, hələ qarşılaşdıqları hadisələrin hamısı deyil...
Film ingilis dilində rus subtitrları ilə nümayiş olunacaq
"Kon-Tiki" (Norveç, 2012)
Rejissorlar: Xoakim Ronning, Aspen Sandberg
Ssenari müəllifləri: Petter Skavlan, Allan Skott
Rollarda: Paul Sverre Valheim Hagen, Anders Baasmo Kristiansen, Tobias Zantelman, Gustaf Skarsgard, Odd Magnus Villiamson
Filmin müddəti: 120 dəq.
8 Yanvar, 19:00
Giriş sərbəstdir
