Miniatür, Azərbaycan milli mədəniyyətində onu sadə təsviri sənət çərçivəsindən çıxaran xüsusi rola malikdir. O, ədəbiyyat və incəsənəti bir-birinə toxuyan "qırmızı teldir".
Miniatür sənəti sayəsində Azərbaycan ədəbiyyatı üçün ənənəvi olan bir sıra süjetlər yalnız kitab səhifələrində fiziki cəhətdən canlanmır... Onlar dekorativ-tətbiqi sənət nümunələri üzərində də əks olunur. Geyim elementlərinin naxışlarına üzvi surətdə hopparaq, ona zəngin və “dolğun” görünüş bəxş edir. 
Ədəbiyyat və incəsənətin vəhdəti ənənəsi bir neçə rəssam və şair nəslini ruhlandırdı. Uzun əsrlər boyu Azərbaycan miniatür sənətkarları nadir sənət nümunələri yaradaraq, nəinki Yaxın Şərq regionunda, həmçinin onun hüdudlarından kənarda da incəsənətin inkişafına böyük təsir göstərmişdir.Onun kompozisiya həlli, praktik olaraq istənilən klassik süjetin hədsiz variasiyalarda təcəssümü üçün sərhədsiz imkanlar yaratması miniatür sənətinin özəlliyidir. 
Təəssüf ki, bu gün bir çox ənənələr unudulub. O cümlədən, Təbriz və Qacar bədii məktəblərinin miniatür ustalarının kompozisiya nailiyyətləri də unudulmaqdadır. Əsrlərin ənənəsi dəmək olar ki, yaxın keçmişdə itib-batmaqdadır. Ələxsüs da maraqlısı ondadır ki, müstəvi üzərində təsvirlə bağlı olan klassik miniatür kompozisiyasının nailiyyətləri sərhədsiz olaraq müasir incəsənətinin bütün növlərinə tətbiq edilə bilər.
Azərbaycan Milli İncəsənət Muzeyi yalnız müxtəlif klassik miniatür məktəblərinin zəngin kolleksiyalarına deyil, eləcə də miniatür süjet və ənənələri əsasında yaradılan maraqlı dekorativ tətbiqi sənət nümunələrinə də sahibdir. Bu nadir bədii əsərlər Azərbaycanın müxtəlif regionlarındən olan sənətkarlar nəslinin ideya və nailiyyətlərinin məcmusunu müxtəlif bədii variyasiyalarda əks etdirir.
Bu kolleksiyalardan ilhamlanan fotorəssam Rüstəm Hüseynov, Azərbaycan miniatür məktəblərinin kompozisiya nailiyyətlərinə əsaslanaraq və müasir texnikadan istifadə edərək foto və rəqəmsal incəsənət əsərləri silsiləsini yaratmışdır. Beləliklə, köhnə sənətkarların ənənəsini davam etdirməklə, artıq tamaşaçılara miniatürun müstəvi üzərində müasir təcəssüm nümunəsini təqdim edir.  Miniatür rəssamlarına xas olan kompozisiya ifadə üsullarından istifadə edərək, Rüstəm Hüseynov müasir incəsənət vasitələrinin köməyi ilə Azərbaycan klassik miniatür süjetlərinin müasir varisialarını yaradır. Bu layihənin məqsədi, dünənki, bügünkü Azərbaycan miniatür sənətinin bütün sərhəd və müxtəlifliyinin təcəssümünü göstərmək və müasir rəssamları sabahkı Azərbaycan mədəni irs ideyasının inkişafına ilhamlandırmaqdır.  
Hər birinizi 26 iyul, saat 19.00-da Azərbaycan Milli İncəsənət Muzeyində keçiriləcək “Miniatür sənətində miras və müasirlik” adlı sərginin açılış mərasiminə dəvət edirik.