7 və 8 dekabr Rus Dram Teatrında dahi Azərbaycan şairi Nizami Gəncəvinin eyni adlı əsəri əsasında "Yeddi gözəl" tamaşasının premyerası olacaq. Tamaşanın quruluşçu rejissoru Litva Rus Dram teatrının quruluşçu rejissoru, Litva və SSRİ Dövlət mükafatı laureatı Yonas Vaytkusdur.

21 Mart Azərbaycan Gənc Tamaşaçılar teatrın səhnəsində, İsveç yazıçısı Astrid Lindgrenin əsəri Uzuncorab Peppi tamaşası nümaiş olunacaq. Biletləri şəhərin kassalarından əldə edə bilərsiz.

Dövlət Pantomima Teatrın səhnəsində "Məlikməmməd" tamaşası səhnələşdiriləcəkdir. Tamaşa saat 14:00-da start alacaqdır.

Azərbaycan Dövlət Akademik Milli Dram Teatrında xalq yazıçısı İlyas Əfəndiyevin “Mənim günahım” pyesi əsasında hazırlanmış eyniadlı tamaşa göstəriləcək. Tamaşanın quruluşçu rejissoru Mərahim Fərzəlibəyov uzun illər İlyas Əfəndiyevlə birlikdə işləyib və onun yaradıcılığına yaxından bələd olan bir sənətkardır.

Azərbaycan Milli Dram Teatrında İlyas Əfəndiyevin "Hökümdar və qızı" əsəri əsasında səhnələşdirilmiş "Qarabağnamə" tamaşasının premyerası olacaq. Pyesin quruluşçu-rejissoru -Mərahim Fərzəlibəyov. Baş rollarda: İlham Əskərov, Məsmə Allahverdiyeva, Rafiq Əzimov, Mirzə Ağabəyov, Firəngiz Mütəllimova.