Smartfonlar iki yaşa qədər uşaqlarda nitqin inkişafına təsir edir

Amerika pediatriya akademiyasının tədqiqatçıları təsdiqləyib ki, iki yaşa qədər uşaqlar nə qədər smartfon və planşetlərlə vaxt keçirsə, o qədər gec danışmağa başlayır.
Ailələrdə smartfonların, planşetlərin və digər portativ qurğuların sayı artdıqca iki yaşa qədər uşaqlar danışmağa başlamazdan əvvəl onlarla oynamağa və hətta funksiyalarından istifadə etməyə başlayır. EurekAlert yazır ki, Amerika pediatriya akademiyasının apardığı araşdırmaların nəticəsinə görə bu, uşağın inkişafını gecikdirir.
18 aylıq uşaqların müayinəsi zamanı 20%-ə yaxın valideynin dediyinə görə onların uşaqları gün ərzində orta hesabla 28 dəqiqə portativ elektron qurğularla oynayır. Dil inkişafının qiymətləndirilməsi üçün alətdən istifadə edərək tədqiqatçılar aşkar etdilər ki, uşaq gün ərzində nə qədər çox planşet və smartfonlarla vaxt keçirirsə, o qədər gec danışmağa başlamaq riski artır.
Portativ qurğulardan 30 dəqiqə çox istifadə etdikdə nitqin inkişafı 49% gecikir. Bununla belə uşağın planşet və smartfonlarla keçirdiyi vaxtın digər ünsiyyət bacarıqlarının inkişafı ilə (məsələn, jestlərin köməyilə ünsiyyət) açıq əlaqəsini aşkar etməyib.
Portativ elektron qurğular indi çox populyardır, deyə tibb elmləri doktoru və tədqiqatın aparıcı müəllifi Ketrin Birken qeyd edir. Pediatrların belə qurğulardan məhdud zaman kəsiyində istifadə etməyi tövsiyə etməsinə baxmayaraq, görünür ki, buna əməl edilmir.
Valideynlərin uşaqlarının elektron qurğulardan istifadə zamanı nə ilə məşğul olduğunu idarə edə bilməsi üçün Amazon şirkəti xüsusi uşaq planşeti buraxıb. Parent Dashboard funksiyasının köməyilə uzaqdan uşağın nə izlədiyini yoxlamaq olar: video çarx, musiqi və ya oyunlar.

 https://hightech.fm/2017/05/05/children-and-gadgets