Amerikalı dondurma və alkoqolla rekord şəkildə arıqlamağı bacarıb
Amerikalı bloger sübut edib ki, yüksək kalorili qidalar qəbul edərək asanlıqla arıqlamaq olar. Men’s Health-in yazdığına görə 32 yaşlı Entoni Hovard-Krou öz üzərində eksperiment apararaq 100 gün ərzində yalnız dondurma və alkoqolla qidalanıb, bununla belə 14 kq arıqlayıb.
Qeyd edilir ki, dondurma və alkoqoldan ibarət ekstremal pəhrizlə yanaşı amerikalı aktiv şəkildə idmanla məşğul olub. O, hər gün idman zalına gedərək bir neçə saat məşq edib.
Bu təhlükəli eksperimentə Entoni izləyicilərinə yemək rasionuna deyil, kalori sayına diqqət etməyin daha vacib olduğunu sübut etmək üçün başlayıb. Bloger iddia edir ki, kalori hesabı ona dondurma və alkoqolla qidalanaraq 100 gün sağlamlığına heç bir ziyan vurmadan pəhriz saxlamağa və eyni zamanda arıqlamağa kömək edib.
O əmindir ki, nəticə əldə etməyə qəbul edilən kalorinin idman zalında sərf edilən kaloridən az olmasına nəzarət etmək kömək olub.
