44 min dollarlıq qolbağı sındıran turist qadın huşunu itirdi
44 min dollar qiyməti olan Jade daşlı qolbağı turist qadının yerə salanda keçirdiyi hissləri ancaq təsəvvür etmək olar.
Hadisə Çinin Yunyan əyalətinin Juyli şəhərinin Jade bazarında baş verib. Qadın qolbağı qoluna taxıb baxmaq istəyəndə qolbaq əlindən sürüşüb yerə düşdü və iki yerə bölündü. Dərhal hadisədən sonra mağazanın sahibi deyib ki qolbağın qiyməti 300 min yuandır ( 44 min dollar).
Eşitdiyi sözlər qadını o qədər şok edib ki o huşunu itirib , lakin yaxınları onu yıxılmamaq üçün tutublar. Sonunda sınmış qolbağın dəyəri 180 min yuan (26 min dollar) qiymətləndirilib. Qadının qohumları bu məbləği ödəməyə razılaşıblar.
