YARAT MÜASİR İNCƏSƏNƏT MƏKANI sizi Aqil Abdullayevin “Çəhrayı gələcəyin utancaq oğlanı” adlı fərdi sərgisinə dəvət edir. Aqil Abdullayevin fərdi sərgisi, məlumatların toplanması, rəylərin formalaşdırılması və insanların müzakirələrə cəlb olunması baxımından sosial medianın Azərbaycan cəmiyyətinin gələcəyinə təsirini araşdırır. Sərginin əsas mövzusu, gender, mədəniyyət və millət kimi dəqiq təriflərdən ayırmaqla rəqəmsal və real dünyalar arasında sərhədləri dumanlandıran yeni özünüdərk və sosial qavrayışa malik gənc nəsil haqqında bəhs edir.
Sərgi, sosial medianın dinamikasının vətəndaşların ictimai müzakirələrə qatılma prosesini necə dəyişdiyini, onlara sosial baxımdan aktual mövzulara sərfəli yollar təqdim etməsini araşdırır. Sosial media, iştirakçılıqla bağlı maneələri, fəallıqla bağlı qeyri-bərabərliyi aşağı salıb. Bundan əlavə, sosial media vətəndaşlara xəbərlər və məlumatlardan istifadə etmək, onları hazırlamaq və yaymaq kimi imkanlar verir ki, bu da ictimaiyyəti inandırmaq üçün yeni imkanlar gətirir. Sərgi, gələcəkdə fikirlərin formalaşdırılmasına əhəmiyyətli dərəcədə təsir edən sosial media ilə əlaqəli olan bu vasitələri aşkara çıxarır.
Aqil Abdullayevin bədii dili, rəssamın özünü araşdırma obyekti kimi istifadə etməklə, şəxsi yanaşması ilə müəyyən edilir: rəssam 90-cı illərdə, onun gündəlik həyatının ayrılmaz hissəsi olan sosial media ilə birgə dünyaya gəlib, xaricdə təhsil alıb və bu yaxınlarda vətənə dönüb. Sərginin giriş ərazisində yerləşən video əsərində rəssam öz ziyarətçisini salamlayır və ona sərgi haqqında qısa məlumat verir. Bu əsər, ziyarətçi üçün baxış və mühafizə hissini yaratmaq niyyətində olan, idarəetmə və nəzarət məqamlarını qeyd edir. Digər otaqlara keçərkən, bu təəssürat uzun çəkmir. Belə ki, əsərlər, şəxsi və sosial transformasiya məqamlarında yaranan aralıq, anlaşılmazlıq, keçid və dəyişkənlik məqamlarını aşkara çıxarır. Rəssam öz “Gəliş (Mən deməliyəm)” adlı əsərində, arxitektur dəyişikliklər və mədəniyyət fərqliliyini nəzərə almaqla, vizual oçerk formasında Birləşmiş Krallıqdan gəlişini təsvir etməklə, öz tanışına söylədiyi əcnəbi baxışları təhlil edir. “Tural haradadır?” adlı əsəri ilə, rəssam üstünlük təşkil edən ənənəvi baxışlar kontekstində kişi mədəniyyəti və yeniyetməliklə bağlı bəyanatları araşdırır. Sərginin sol qanadında əsərlər fərdidən kollektivə keçid alır. Rəssamın səs instalyasiyası, diqqəti beynəlxalq liderlərin səs materialına cəlb edir və bu, onun ictimai diskursa dair təhlillərini və gənc auditoriyanın ictimai-siyasi məsələlərə marağını təsdiqləyir. “Çəhrayı şəhər” - xəyali sığınacaq ideyasını sual altına qoyur. Burada, özünü təhlükədə hiss edən hər kəs rəqəmsal dövrün gələcək kiber ixtiraları ilə teleportasiya oluna bilər. Sərgi məkanı boyunca QR-kodlar yerləşdirilib və əsərlər üzrə araşdırma materialı kimi xidmət göstərməklə, onlar ziyarətçiləri məqalələri oxumağa dəvət edir.
Rəssam haqqında
Aqil Abdullayev (d.1992, Bakı) əsasən hərəkətli təsvir, performans və fotoşəkil kimi medialarda çalışır. Onun təcrübəsi, sosial və şəxsi həyat, gender, sosial media mədəniyyəti, utopiya və futurizm kimi mövzular ilə əlaqəli olmaqla, Qərb və Şərq arasındakı təzadları araşdırır və bu mövzular arasında məkanları birləşdirir. Abdullayev Nottingem Trent Universitetinin təsviri incəsənət fakültəsini birinci dərəcəli fəxri fərman və bakalavr dərəcəsi ilə bitirib və 2018-ci il Bloomberg New Contemporaries mükafatına və Birləşmiş Krallıq, Nottingemdə One Throsby Street qalereyasının “Attic Residency” proqramının iştirakçısı adına layiq görülüb. Rəssamın əsərləri Liverpul Biennalesi (2018), Primary Müasir İncəsənət Məkanı (2017), “The Wrong” – Yeni Rəqəmsal Art Biennalesi (2017), Tate Modern (2016), Gənc Rəssamların 4-cü Moskva Beynəlxalq Biennalesindəki YARAT Pavilyonunda (2012) nümayiş etdirilib. Hal-hazırda, Aqil Bakıda yaşayır və fəaliyyət göstərir.
ARTIM haqqında
ARTIM layihəsinin başlıca məqsədi, ölkənin gənc nəslinin istedadlı nümayəndələrini incəsənət sahəsində karyera qurmağa təşviq etmək, habelə Azərbaycanın gənc rəssamlarına peşəkar səhnədə öz əsərlərini nümayiş etdirmək üçün müvafiq şərait yaratmaqdır. ARTIM layihəsinin İçərişəhərdə peşəkar sərgi məkanı var. Bu məkan, eksperimentlərin aparılmasına və əsərlərin peşəkar səviyyədə nümayişinə imkan verən platforma qismində çıxış edir.
Açılış: 3 noyabr, saat 19:00
ARTIM Layihə Məkanı (İçərişəhər, Böyük Qala küç., 30, 001A)
Giriş sərbəstdir
Sərginin müddəti: 3-30 noyabr
Sərginin iş rejimi: çərşənbə axşamı – bazar, 12.00 – 20.00
Ətraflı məlumat üçün: www.yarat.az; 0125051414
03 Ноября - 30 Ноября
Bakıda gün batdıqca, şəhər tamamilə başqa bir havaya bürünür. Damüstü klublardan tutmuş rahat barlara və canlı musiqiyə qədər, burada gecə saatlarında həmişə nəsə baş verir. Əgər içki içmək, musiqi dinləmək və ya dostlarınızla əyləncəli bir yer axtarırsınızsa, bu məkanları mütləq yoxlamalısınız. Gəlin, Bakının gecə həyatına qısa bir səyahət edək!
Animasiya sevənlər, hazır olun! 7-ci ANIMAFILM Beynəlxalq Animasiya Festivalı yaxınlaşır və bu ilki proqram elə filmlərlə doludur ki, kinoteatrı tərk edərkən ya gözləriniz parlayacaq, ya da bir neçə damla göz yaşı siləcəksiniz. Bu il festivalın mövzusu "Sevgi"dir, yəni bizi ürəyimizi yerindən oynadacaq, güldürəcək və bəlkə də son Tinder görüşümüzü yenidən düşündürəcək hekayələr gözləyir. İstər emosional dağa-dərəyə çıxmaq, möhtəşəm vizuallar, istərsə də sadəcə popkorn üçün gəlmisinizsə, burada qaçırmamalı olduğunuz filmlər var. Kiçik bir xəbərdarlıq: biletləri dərhal tripsome.az saytından əldə etməlisiniz—yoxsa evdə Netflix izləyib və popkorn yediyiniz günlər geri dönə bilər!
ANİMAFİLM 7-ci Beynəlxalq Animasiya Festivalı 2-6 oktyabr 2024-cü il tarixlərində Bakıda keçiriləcək! Biletləri necə əldə edəcəyinizi öyrənin, 100-dən çox filmə baxın və Azərbaycanda bu maraqlı animasiya bayramına qoşulun.
Palçıq vulkanizmi Yer kürəsində ən maraqlı təbii geoloji hadisələrdən biridir. Bəzi geoloji, hidrogeoloji və tektonik amillər palçıq vulkanlarının əmələ gəlməsinə səbəb olur. Qaz, su və bəzi çöküntülərin qarışıqları Yerin səthində xaric edildikdə və bu proses uzun müddət davam etdikdə, bu qarışıqlar müxtəlif xarici morfoloji formalar alır və palçıq vulkanları yaradır.
Yarpaqlar qızılı rəng alıb, havalar sərinləşməyə başlarkən, Bakı bu payız inanılmaz konsertlərlə isinməyə hazırlaşır. İstər pop, istər rok, istər caz, istərsə də başqa musiqi janrlarının pərəstişkarı olun, bu mövsümün proqramı hər marağa uyğun birşey təklif edir. İnanın ki, bu konsertləri qaçırmaq istəməzsiniz—xüsusilə də belə möhtəşəm sənətçilər şəhərimizə gəldiyi zaman. Beləliklə, gəlin görək bizi bu sezon nələr gözləyir?
