Elan Sərgilər Rəssam Vədud Müəzzinin fərdi sərgisi
Rəssam Vədud Müəzzinin fərdi sərgisi

Azərbaycan Respublikası Mədəniyyət Nazirliyi, Azərbaycan Rəssamlar İttifaqı və Muzey Mərkəzinin təşkilatçılığı ilə 22 may 2019-cu il, saat 18:30-da Muzey Mərkəzinin Sərgi Qalereyasında "Vədud Müəzzin"-in fərdi sərgisi keçiriləcəkdir.
Vədud Müəzzin 1960-cı ildə İranin Ərdəbil şəhərində anadan olmuşdur. Uşaqlıqdan rəssamlıqa həvəs göstərən Vədud bu istiqamətdə özünü sınamağa başlamış və məktəb illərində müxtəlif nəaliyyətlər əldə etmişdir. Məktəbdən sonra rəsm üzrə təhsilini Tehran İncəsənət Universitetinin Dekorativ İncəsənət fakultəsində davam etdirmişdir. Bununla kifayətlənməyən rəssam təhsilini təkminləşdirmək üçün Türkiyənin Memar Sinan Universitetinə daxil olur və müstəqil yaradıcılığa-özünü ifadəyə qədəm qoyur. Rəssam Vədud Müəzzin fəaliyyətlərini nümayiş etdirmək məqsədi ilə müxtəlif yerlərdə sərgilər təşkil etmişdir. İranın bir çox şəhərləri ilə yanaşı Avropa, Amerika və Kanada ölkələrində də fərdi və qrup şəklində sərgilərdə iştirak etmişdir. İranda onun rəsm əsərlərindən təşkil olunmuş dörd cilddən ibarət kitab nəşr olunmuşdur. Vədud eyni zamanda pedaqoji fəaliyyət göstərərək rəssamlıq və musiqi sahəsinin sirlərini tələbələrinə öyrətməyə davam edərək, neçə-neçə rəssamlar və musiqiçilər yetişdirmişdir. Vədud Müəzzin 2002-ci ildə Azərbaycanın keçmis prezidenti ulu öndər Heydər Əliyev cənablarının əmri və iştirakı ilə Bakıda sərgi təşkil etmişdir. Onun ikinci və üçüncü sərgiləri isə 2013 və 2018-ci illərdə Bakıda təşkil olunmuşdur. Vədud Müəzzin rəssamlıqla yanaşı heykəltəraşlıq və musiqi sahələrində də özünü sınamışdır.Və çoxlu sayıda heykəlin müəllifidir.
Bu sərgidə rəssamın realist janrında yaratdığı 30 yağlı boya və 120 akvarel əsəri sərgilənəcəkdir. Sərgidə mənzərələr, natürmortlar həmçinin portretlər və ictimai mövzularda yaratdığı əsərlər nümayiş olunacaq. Rəssamın bu günə qədər təşkil etdiyi sərgilərdən fərqli olaraq bu sərgidə yağlı boya əsərləri ilə yanaşı, akvarel texnikasında yaratdığı Qədim Bakı mövzusu və Azərbaycanın gözəl təbiətini tərənnüm edən əsərlərdə yer alacaqdır.
Sərgi 22-26 may 2019-cu il tarixlərində açıq olacaqdır.
İş saatları: 10.00 - 18.00-dək.
Giriş sərbəstdir !




22 Мая - 26 Мая
Sərgilər



Şəkidə Keramika üzrə Beynəlxalq Simpozium keçiriləcək

20 may – 2 iyun 2019-cu il tarixində Şəkidə “Təbiətdən tarixə” adlı Beynəlxalq Keramika Simpoziumu keçiriləcək

Frankofoniya Film Festivalın Proqramı

Frankofoniya Film Festivalın Proqramı

Milandan yeni hit

Roker Milan Məmmədov öz YouTube kanalında, son albomdan, məşhur şair Nüsrət Kəsəmənlinin sözlərinə bəstələdiyi yeni mahnısını təqdim edib.

ARTIM: Murad Əkbərli "Cənub adət-ənənələri" ustad dərsi

YARAT Müasir İncəsənət Məkanı Sizi ARTIM Layihə Məkanında "Perpendikulyar həqiqətlər" sərgisi çərçivəsində rəssam Murad Əkbərli tərəfindən cənub adət-ənənələri mövzusunda ustad dərsinə dəvət edir.

YARAT Freestyle: Xoreoqrafiya və gimnastika üzrə ustad dərsi

Əgər siz xoreoqrafiya və gimnastikanın əsasları haqqında geniş məlumat əldə etmək istəyirsinizsə, əgər sizə rəqsə yeni başlayanların şpaqata necə oturması, öz bədən elastikliyini necə inkişaf etdirməsi maraqlıdırsa, buyurun, fevralın 14-ü, gənc və istedadlı rəqqas Fərid Kazakovun keçirəcəyi ustad dərsinə qatılın!