24 oktyabr 18:00-da Azərbaycan Milli İncəsənət Muzeyində Azərbaycanın Əməkdar rəssamı Tələt Şıxəliyevin fərdi yaradıcılıq sərgisi keçiriləcək.
Şıxəliyev Tələt Ağalar oğlu 1928-ci ildə Masallı rayonun Digah kəndində anadan olmuşdur. O, Talışxanovlar nəslinin nümayəndəsidir. 1951-ci ildə Ə. Əzimzadə adına Azərbaycan Dövlət Rəssamlıq məktəbini, daha sonra isə təhsilini 1961-ci ildə bitirdiyi Kiyev Milli Mədəniyyət və İncəsənət Universitetində davam etdirmişdir.
60-ci illərdə Azərbaycan təsviri sənəti özünün ən məhsuldar dövrünü yaşayırdı. 1962-ci ildən artıq əsərləri respublika və xarici sərgilərdə nümayiş olunan Tələt Şıxəliyev indi “Abşeron məktəbi” kimi tanınan istedadlı gənc rəssamlardan ibarət “Abşeron qrupu”nun ən istedadlı üzvlərindən biri idi. Yaradıclığında daha çox portret janrına müraciət edən rəssamın hər bir obrazı fərdi xüsusiyyəti, həyata baxışı, əhval-ruhiyyəsi ilə seçilir. Bu baxımdan O. Babiçevanın portreti, M. Bayraməlibəyovanın portreti, “Ailə” və s. əsərləri onun yaradıcılığı üçün xarekterikdir.
Uşaq mövzusu rəsssamın yaradıcılığında xüsusi yer tutur. “Oğlumun portreti”, “Gənc rəssam”, “Qızım yatarkən”, “Uşaq və pişik” kimi tabloları uşaq psixologiyasını, onların nağıl dünyasını, istək və arzularını rənglərin sehirli dili ilə açmağa çalışan həssas rəssam qəlbinin ifadəsidir.
Rəssam yaradıcılığının ən məhsuldar dövründə: 1987–ci ildə, 59 yaşında əbədiyyətə qovuşmuşdur.
T.Şıxəliyev qısa, lakin olduqca məhsuldar yaradıcılıq yolu keçmişdir. 1982-ci ildə Azərbaycanın Əməkdar rəssamı adına layiq görülmüş, əsərləri respublika və bir çox xarici ölkə muzey və qalereyaların fondunda, şəxsi kolleksiyalarda yer almışdır.
Tripsome şirkətinin sponsorluq etdiyi "Baku Juniors" klubu bu il Yüksək Qızlar Liqasında çempionluq üçün oynayan klublardan biridir.
Turizm və səyahət sənayesində əyləncə, idman, incəsənət, mədəniyyət və istirahət xidmətləri üçün aparıcı onlayn bilet satışı və bron sistemi olan Tripsome, 300.000 ABŞ dolları dəyərində investisiya raundunu “Caucasus Ventures” vençur fondunun aparıcılığı ilə açıq elan edir.
Ömər Nuruzadə, Gülər İsmayılova, Sənan Çaharkamə, Araz Şəfiyev və Emin Xəlifəyev Act In Space Beynəlxalq kosmik hakatonun qalibləri kimi bu uçuşa vəsiqə qazanmışdılar.
Bu top 7 incəsənət qalereyası sizin bədii səyahətinizdə qalıcı təəssürat yaradacaq heyranedici sənət əsərləri təklif edir.
Küləkli Bakı axşamında rəqs, ispan ehtirası, emosiyaların intensivliyi və heyrətamiz ritm hissi - bu, Max Villaveccia & Los Aurora-nın konsertidir. Tamaşaçılar ən çox rəqqasə Miranda Alfonso və onun ifa olunan motivlərin rəqsindəki filiqran vizual təcəssümünə heyran olub.
