Azərbaycan Dövlət Gənc Tamaşaçılar teatrı (GTT) (433 yer) - uşaq auditoriyası üçün nəzərdə tutulmuş peşəkar teatrdır. Teatr 1928 -ci ildə Bakı Uşaq Teatrı adı altında yaradılmışdır. 1928 -ci ildən rus, 1929 -cu ildən isə Azərbaycan bölməsi mövcuddur. Teatr Bakı Dəniz klubunda dram dərnəyində yaradılmışdı. 1936 -cı ildən etibarən Azərbaycan Dövlət Gənc Tamaşaçılar Teatrı kimi fəaliyyət göstərir. Repertuar əvvəlcə əsasən uşaq ədəbiyyatına daxil olan nağıllar və povestlərin ( Kiplinqin-Mauqli) əsasında hazırlanırdı. Aşağı sinif şagirdləri üçün fantastik və folklorun müasir həqiqətin elementləri ilə üst-üstə düşdüyü (Şvatsın "Qar kraliçası", Marşakın "12 ay")  teatr nağılı janrı hazırlanır; macəra pyesləri, komediya əsasən yeniyetmələr üçün nəzərdə tutulan repertuarın əsasını təşkil edir.