"Yenə o bağ olaydı" səyyar sərgisi

  • 30.07.2018
  • 8602
  • Mədəniyyət

YARAT Müasir İncəsənət Məkanı, sizi məşhur italyan rəssamı Mikelancelo Pistolleto və perspektivli yerli rəssamların əsərlərindən ibarət "Yenə o bağ olaydı" səyyar sərgisini təqdim edir. Bu sərgi, Mikelancelo Pistoletto tərəfindən ərsəyə gətirilmiş "Üçüncü cənnət" (Third Paradise) nəzəriyyəsini müzakirə etməklə, "CITTADELLARTE Fondazione Pistoletto" Fondunun (Biella, İtaliya) bədii rəhbəri Paolo Naldini tərəfindən keçirilmiş ustad dərsin nəticəsidir. "Üçüncü cənnət" nəzəriyyəsi, müasir dünyamızın hər bir yerində mövcud olan təbiilik və sünilik kimi iki qütb arasındakı ziddiyyəti aradan götürməyə, texnologiyalar və təbiət arasında özəl mühitə görə məsuliyyət daşıyan yeni insanlığın yaradılmasına çalışır.

Sərgi, Mikelancelo Pistolettonun məşhur labirint instalyasiyası ilə başlayır. Bu labirint, ziyarətçiləri labirintin içindən keçirərək, onların öz daxili "mənini", kimliyini axtarmasına vadar edir. Labirintin forması uzunmüddətli araşdırma və "fərdi səyahət" üçün metafora kimi istifadə edilib. Bu səyahət, ziyarətçini "Üçüncü cənnət" simvolunun üzərinə gətirib çıxarır. Həmin simvol "Qazax qatlaması" şirniyyatından hazırlanıb. Sözügedən simvol, üç halqadan ibarət olan riyazi sonsuzluq işarəsinin yenidən mənalandırılmış formasını ifadə edir. İki qarşı halqalar təbiiliyi və süniliyi vurğulayır, orta halqa isə harmoniya üzərində qurulan yeni insanlığın generativ ana bətnini təmsil edir.

Rəssam Etibar İsmayılov, bu sərgi üçün "arzular quyusu" yaradıb və onun istifadəsinə dair "şifrələnmiş" dildə təlimat təqdim edib. Mətnin üsulu insan beyninin möhtəşəm qüdrətinə istinad edir və rəssamın "mümkün olmayan heç nə yoxdur" inancını ifadə edir. 

Günay Əliyevanın əsəri, İosif Brodskinin məşhur “bizim yaratdıqlarımız, etiraflarımızdan daha çox bizim özümüzdən danışır” kəlamından ilhamlanan qəbz formasında rəssamın həyatına nəzər salır. 

Mousa Bəyzadə, "Üçüncü cənnət" ideyasına yanaşmaq üçün hamının bacardığı kağız kəsimi üsulundan istifadə edir. Onun əsəri, sağlamlıq texnologiyalarının bizim ayrılmaz hissəmizə çevrilməsini əks etdirməklə, insan və texnologiyalar, təbiət və sünilik arasında harmonik münasibətlərin mümkünlüyü sübuta yetirir. 

Nəzrin Məmmədovanın aktual, fənlərarası və sinxron əsəri, texnologiyalar, dizayn və təbiətin kəsişməsində yerləşir. İlkin olaraq yazılmış səslər öz orijinal mühitlərinə qoyulub və dağlarda əks-səda və rezonasiya verməklə, çoxlaylı teksturalar, ritmlər və tezliklərə malik dolğun səs təəssüratlarını yenidən yaradır.

Vüsalə Ağarazıyevanın əsərinin başlıca məqsədi, yüksək texnologiyaların imkanlarına rəğmən, harmoniya və məqsədyönlü əlaqənin vacibliyini vurğulamaqdır. Belə ki, yüksək texnologiyalar bir tərəfdən həyatımızı asanlaşdırsa da, biz, təbiətin bizə bəxş etdiklərinə də biganə qalmamalıyıq. Rəssamın tərəzinin bir gözünə kiçik elektron cihazları, digər gözünə isə qum tökməklə öz "balansını" və bu konsepsiyanı vizuallaşdırır.

Leyli Qafarovanın “Qılman” (yaraşıqlı, gənc, saqqalsız cənnət kişiləri) adlı multimedia layihəsi, hollandiyalı filosof Mişel Lizenberqin aktiv, siyasi və ya inqilabi zorakılıq deyil, əksinə, öz sehri, təmkinliyi, passivliyi və tolerantlığı ilə təmsil edilən İslam dünyasının “sakit qüvvəsindən” bəhs edən nəzəriyyəsinə istinad edir.

Sərgi Azərbaycan Respublikası Mədəniyyət Nazirliyinin Azərbaycan Dövlət Rəsm Qalereyasının təşkilati dəstəyi ilə birgə həyata keçirilir.

QAZAX DÖVLƏT RƏSM QALEREYASI
Ünvan: Heydər Əliyev prospekti, 75 
İş rejimi: Bazar ertəsi – şənbə, saat 09.00-17.00 
Əlaqə: 02229 -5-10-15

QAZAX DÖVLƏT RƏSM QALEREYASI
Sərginin müddəti: 30 iyul – 28 oktyabr 
Açılış: 30 iyul, saat 15:00
Giriş sərbəstdir



Mədəniyyət
YARAT Teatr Klubu: "Telefon" tamaşası

26 oktyabr tarixində YARAT Teatr Klubu çərçivəsində "Telefon" tamaşası təqdim olunacaq.

YARAT Freestyle / "Səmavi" tamaşası

Sentyabrın 27-i, YARAT Freestyle proqramı çərçivəsində, rejissor və xoreoqraf Raulə Rzayevanın və Rus Dram Teatrının aktrisası Milana Sokolenkonun teatr monolayihəsi olan "Səmavi" tamaşasını təqdim edəcəyik.

Rəssamın gözü ilə: Böyükağa Mirzəzadə

Sizi, "Rəssamın gözü ilə" layihəsi çərçivəsində keçiriləcək Azərbaycan rəngkarlıq məktəbinin görkəmli nümayəndəsi, Azərbaycanın Xalq rəssamı Böyükağa Mirzəzadəyə həsr olunmuş görüşə dəvət edirik.

Heydər Əliyev Fondunun təşəbbüsü ilə yaradılan Bakı Kitab Mərkəzinin açılışı olub

Heydər Əliyev Fondunun təşəbbüsü ilə yaradılan Bakı Kitab Mərkəzi Bakı şəhərində Üzeyir Hacıbəyli və Qoqol küçələrinin kəsişməsində yerləşir.

Bütün məqalələr
“Açıq qapı” günü

Muzey– mədəniyyətin ən gözəl və ən ali dəyərlərinin cəmləndiyi, bəşəriyyətin nail olduğu uğurların nümayiş edildiyi məkandır.

18 may-Beynəlxalq Muzeylər Günü

Beynəlxalq Muzeylər Şurasının (ICOM) təşəbbüsü ilə 1977-ci ildə təsis olunmuş Beynəlxalq Muzeylər Günü hər il 18 may tarixində dünyada müəyyən bir deviz altında qeyd olunur.

Şəkidə Keramika üzrə Beynəlxalq Simpozium keçiriləcək

20 may – 2 iyun 2019-cu il tarixində Şəkidə “Təbiətdən tarixə” adlı Beynəlxalq Keramika Simpoziumu keçiriləcək

YARAT Film Klub: Mələyin öpüşü

YARAT Müasir İncəsənət Mərkəzi sizi «Mələyin öpüşü» tammetrajlı bədii filmin nümayişinə dəvət edir.