Rəssamın gözü ilə: Böyükağa Mirzəzadə

  • 23.09.2018
  • 8481

  • Mədəniyyət

Sizi, "Rəssamın gözü ilə" layihəsi çərçivəsində keçiriləcək Azərbaycan rəngkarlıq məktəbinin görkəmli nümayəndəsi, Azərbaycanın Xalq rəssamı Böyükağa Mirzəzadəyə həsr olunmuş görüşə dəvət edirik.

Tədbirdə, rəssamın qızı, sənətşünas Ofeliya Mirzəzadə, sənətkarın həyat və yaradıcılığından, pedaqoji fəaliyyətindən, çoxsaxəli mövzu və janrlarından, portertlərindəki qəhrəmanlardan, əsərlərindəki kompozisiya quruluşundan danışacaq.

Dialoq formatında keçiriləcək görüşdə qonaqlar Böyükağa Mirzəzadənin sənətdə və ailədəki rolundan, həyatında və yaradıcılığında baş vermiş maraqlı hekayələrdən agah olacaqlar.
Tədbir zamanı iştirakçılar, böyük portret ustadının sərgidə nümayiş olunan, əsrarəngiz rəng kompozisiyaları ilə seçilən əsərləri ilə də tanış ola bilərlər.

Rəssam haqqında:
Böyükağa Mirzəzadə (1921-2007) sovet dövrünün ən sayılıb-seçilən azərbaycanlı rəssamlarından biridir. O, portret, peyzaj, natürmort və janr kompozisiyaları kimi müxtəlif janrlarda işləmişdir. 1950-1960-cı illərdə, rus rəssamlıq məktəbinin çiçəklənən sosial realizminin ənənələrini davam etdirməklə, həmçinin, yerli mühitin və mədəniyyətin özəl elementlərini əlavə etməklə özünə məşhurluq qazandı. Onun portretlər silsiləsi öz dövrünün görkəmli simalarını özündə birləşdirir. Rəssamın əsərləri Azərbaycan muzeylərində olduğu kimi, bir çox xarici ölkələrin muzey və qalereyalarında özəl kolleksiyalarda saxlanılır. Onun "Çətir altında natürmort" əsəri Moskvada Tretyakov Qalereyasının bədii fonduna daxil edilmişdir.

28 sentyabr, saat 19:00
XX-XXI əsrlər Azərbaycan Rəngkarlığı Muzeyi
Ünvan: Bayıl, Dövlət Bayrağı Meydanı
Giriş sərbəstdir



Mədəniyyət
Bakıda olan 8 tarixi və müasir məscid

Sizin üçün Bakıda olan 8 tarixi və müasir məscidin siyahısını və tikilmə tarixini hazırladıq. Məscidin hər biri öz gözəlliyi ilə cəlb edir və şəhərimizi daha da gözəlləşdirir.

5 yanvar 2022-ci il tarixində “Sehrli qala” festivalı çərçivəsində “Azərbaycanın qış gözəli” fotosərgisinin açılışı olub

Sərgidə ölkəmizin müxtəlif yerlərində təbiətin inanılmaz gözəlliklərini əks etdirən qış mənzərələri nümayiş etdirilib.

Bütün məqalələr
Kapital Bank-ın Sponsorluğu ilə ADA Universitetində Süni İntellekt və Open Source əhatə edən mühəndislik və sahibkarlıq konfransı keçirildi

ADA Universitetində Kapital Bank-ın baş sponsorluğu ilə “Frontiers of AI: Open-Source Entrepreneurship Conference” konferansı baş tutdu.

AFFA Yüksək Qızlar Liqasında "Baku Juniors" səfərdə Ağcabədinin "Aran" komandasına 52 - 0 hesabı ilə qalib gəlib.

Tripsome şirkətinin sponsorluq etdiyi "Baku Juniors" klubu bu il Yüksək Qızlar Liqasında çempionluq üçün oynayan klublardan biridir. 

Tripsome İlk Vençur İnvestisiyasını “Caucasus Ventures” - dan Cəlb Etdi

Turizm və səyahət sənayesində əyləncə, idman, incəsənət, mədəniyyət və istirahət xidmətləri üçün aparıcı onlayn bilet satışı və bron sistemi olan Tripsome, 300.000 ABŞ dolları dəyərində investisiya raundunu “Caucasus Ventures” vençur fondunun aparıcılığı ilə açıq elan edir.

UFAZ tələbələri Fransa Milli Kosmik Tədqiqatlar Mərkəzininin təşkil etdiyi uçuşlarda iştirak ediblər. 

Ömər Nuruzadə, Gülər İsmayılova, Sənan Çaharkamə, Araz Şəfiyev və Emin Xəlifəyev Act In Space Beynəlxalq kosmik hakatonun qalibləri kimi bu uçuşa vəsiqə qazanmışdılar.