İnadkarın ram edilməsi: "Nazlı" romantik komediyası tərbiyələndirmə prosesinə həsr edilib

"Ganjlik Mall" ticarət mərkəzində yerləşən "CinemaPlus" kinoteatrında "Nazlı" romantik komediya filminin qala-gecəsində maraqlı, səs-küylü və əyləncəli anlar yaşanib. Rejissoru Rəhman Rafiqoğlu olan filmin özü də belə anlarla doludur.

Filmin sujetində oliqarx qızı olan, ərköyün Nazlı haqqında danışılır. Qızının şıltaqlığından və daimi əhvalatlarından bezən atası, onu ilk rast gələnə ərə vermək qərarı verir. Həmin adam yüksəkmərtəbəli binaların tikintisində fəhlə işləyən, kənd oğlanı İsmayıl olur. Nazlı əlbəttə ki, bu qərardan qəzəblidir, lakin atasının qərarına qarşı çıxa bilmir, çünki əks halda atası onu var-dövlətdən məhrum edə bilər. Nazlı öz nişanlışısının kəndinə gedir. Nazlının getdiyi kənd ilk baxışdan hər kəsi gözəlliyi ilə valeh edir, amma bura Nazlı üçün cəhənnəmdir. Qayğısız şəhər həyatının əvəzinə gecə klubları, barlar, wi-fi və instagramsız keçən ağır günlər başlayır.

Pozulmuş qızın sadə kənd həyatına adaptasiya prosesi çətin gedir və əvvəldə yerli kənd elitasında "inqilab" edərək ciddi şəkildə müqavimət göstərir. Gəlinin belə hərəkətlərinin qarşısını almaqla, ümumiyyətlə onu ram etməklə Nazlının nişanlısının xalası məşğul olur. Nazlının nişanlısı isə paytaxta gedərək bütün ram etmək prosesini öz təcrübəli qohumunun öhdəsinə buraxır.

Mabud Məhərrəmov - filmdə İsmayılın dayısı "Cəbi kişi" rolunda çıxış edib. Ümumiyyət filmdə Azərbaycan kinosunun klassik aktyorları yer alıb. Arif Quliyev -traktorçu əmi, Rasim Balayev -qayğıkeş oliqarx, Fuad Poladov -atanın ortağı və Nazlının gələcək qaynatası rolunu ifa edib.

"Azərbaycansayağı inadkarın ram edilməsi" hekayəsinin müasir nağıl olduğunu rejissor özü də gizlətmir. Burada baş qəhrəman "şahzadə" adlandırılır və nağıl Azərbaycan koloritlərilə rənglənir.

Tamaşaçılara "yaxşı adam olmaq lazımdır" fikri çatdırılır. Rejissorun fikrincə hər kəs gec ya tez bu fikrə gələcək.   

İfa etdiyi ilk baş rolu Nazlı olan Xumar Səlimova oynadığı personajla heç bir ortaq nöqtəsi olmadığı, lakin çəkiliş prosessində öz qəhrəmanını sevdiyini deyir.

Rejissor Rəhman Rafiqoğlu öz növbəsində filmi "üçüncü uşağı" (rejissor iki uşaq atasıdır) adlandırır. Film tamaşaçılara "yaxşı adam olmaq lazımdır" fikrini çatdırır. Rejissorun fikrincə, hər kəs gec ya tez bu yola gələcək.

Filmi romantik və ailəvi komediya hesab etmək olar, belə ki, onu izləmək əyləncəlidir.

Filmin quruluşçu-rejissoru - Rəhman Rafiqoğlu, ssenari müəllifləri - Rəhman Rafiqoğlu və Tural Fitət, quruluşçu-operator - Əli Sultanov, bəstəkar - Səid Qəni, baş prodüserlər - Murad Məhərrəmli və Əli Cavadov.