70-ci Kann festivalı -gözlənilən premyeralar
17-28 may tarixlərində 70-ci Kann festivalı keçiriləcək. Bu il juri sədri olaraq rejissor Pedro Almodovar seçilib. Açılış və bağlanış mərasimlərinin aparıcısı əvəzolunmaz Monika Beluççi olacaq. Müsabiqədə Andrey Zvyaqincev, Mixael Haneke, Sofiya Koppola, Yorqos Lantimosa, Fransua Ozon və başqa dünya rejissorlarının yeni filmləri göstəriləcək.
Artıq festivalın əsas proqramı elan edilib və maraqlı premyeralar gözlənilir. Bəzilərini təqdim edirik:
"Gənc Qodar" ("Le Redoutable»/«Redoutable"), rejissor Mişel Xazanaviçus
Filmdə 1967-ci il "Çinli qız" filminin çəkilişləri zamanı Qodar və Anna Vyazemski arasında məhəbbətdən söhbət açılır.
"Ölümcül tamah" ("The Beguiled"), rej. Sofiya Koppola
Qızlar üçün qapalı qızlar pansionu kömək axtaran cavan oğlan onun qapısına gəlib çıxana qədər xarici aləmdən gizlədilib. O andan etibarən müəmmalı saray ölümcül tamahın əsrinə çevrildi.
"Roden", rej. Jak Duayon
Təkrar olunmaz heykəltəraşın dünya incəsənətinin zirvəsinə qalxması haqqında hekayə. Film Oqusto Rodenin yaradıcılığı, saysız sevgi intriqaları və mürəkkəb münasibətləri haqqındadır.
"Müqəddəs maralın öldürülməsi" ("The Killing of a Sacred Deer"), rej. Yorqos Lantimos
Müvəffəqiyyətli cərrah yeniyetməni oğulluğa götürmək istəyir. Lakin uşağın hərəkətləri getdikcə pisləşir və həkim inanılmaz qurban vermək istəyir.
"Sevgi deyil", rej. Andrey Zvyagincev
Ərlə arvad ağır boşanma həddindədir. Jenya və Boris 12 yaşlı övladları Alyoşadan imtina etməli olsalar da ayrı-ayrılıqda yeni həyata başlamaq istəyir. Onların dəhşətli mübahisələrinin şahidi olan Alyoşa yoxa çıxır.
"Məzlum", rej. Sergey Loznitsa
Filmin sujeti Dostoyevskinin "Məzlum" povestindən götürülüb. Sələmçi gənc qızla evlənir, lakin xasiyyətləri uyğun olmadığına görə münasibətləri baş tutmur.
"Heppi end" ("Happy End"), rej. Mixael Haneke
Kaledə yaşayan sadə avropalı ailənin qaçqınlarla əlaqəli olaraq yaranan böhranın fonunda dramı.
"Möcüzə dolu dünya" ("Wonderstruck"), rej. Todd Heyns
Ben və Rouz onları əhatə edən dünya ilə barışa bilmir. Ben atasını tapmağı arzulayır, Rouzun fikirləri isə müəmmalı aktrisa ilə məşğuldur.
"İkiqat sevgili" ("Lʼamant double"), rej. Fransua Ozon
Gənc qadın Xloya öz psixoanalitiki Pola vurulur. Bir neçə ay sonra onlar birlikdə yaşamağa başlayır, lakin Xloya sevgilisinin şəxsi həyatının bir hissəsini gizlətdiyini başa düşür.
"Yupiterin ayı" ("Jupiterʼs Moon"), rej. Kornel Mundrutso
Film qeyri-qanuni şəkildə Macarıstana girmək istəyərkən vurulan miqrant haqqındadır. Bundan sonra o, hava durmaq bacarığı qazanır.
"Okça" ("Okja"), rej. Pon Jun Xo
Mi-dja adlı qız dağlarda yaşayır. Onun ən yaxşı dostu böyük və utancaq heyvan Okçadlr. Bir gun Okça yoxa çıxır və Mi-dja onu axtarmağa yollanır.
"Sən heç vaxt burada olmamısan" ("You Were Never Really Here"), rej. Linn Remzi
"Heç yerdən" ("Aus dem Nichts"), rej. Fatih Akin
Həmçinin festiva çərçivəsində "Tvin Piks" serialının ilk iki epizodunun premyerası olacaq. Ən maraqlısı odur ki, Kann festivalında Nikol Kidmanın iştirakı ilə dörd film göstəriləcək.