Metropolitenin vaqon təchizatı ilə bağlə yeni müzakirələr

Bakı metropoliteni ilə Rusiyanın metro vaqonlarının istehsalçı şirkəti olan "Transmaşholdinq" QSC arasında əlaqələr yeni müstəvidə genişləndirilir.
Bu gün "Bakı Metropoliteni" QSC-nin sədri Zaur Hüseynov "Transmaşholdinq" QSC-nin Bakıda səfərdə olan nümayəndə heyəti ilə görüşüb. Görüşdə "Transmaşholdinq" QSC-nin direktoru Kiril Lipa, müəssisənin direktorlar şurasının sədri Andrey Andreyev, biznesin inkişafı üzrə kommersiya direktoru Andrey Vasilyev və "Transmaşholdinq" QSC-nin şirkətlər qrupuna daxil olan "Metrovaqonmaş" ASC-nin baş direktoru Boris Boqatıryov iştirak edib.
 

Baki Metropoliteni
Səfər çərçivəsində əməkdaşlığın geniş perspektivləri, fikir və təcrübə mübadiləsi ilə bağlı müzakirələr aparılıb. Qeyd edək ki, "Transmaşholdinq" QSC-nin şirkətlər qrupuna daxil olan "Metrovaqonmaş" ASC ilə metro vaqonlarının və vaqon komplektlərinin təchizatı haqqında müqavilə imzalanması nəzərdə tutulub.
İmzalanması nəzərdə tutulan müqaviləyə əsasən, istehsalçı müəssisə Bakı metropolitenini yeni nəsil 81-765/766/767 seriyalı qatarlar ilə təchiz edəcək. Bu vaqonlar texnologiyaların ən son nailiyyətləri ilə təchiz olunmaqla, müasir tələblərə cavab verir. Ən yüksək təhlükəsizlik tələblərinə cavab verən vaqonlar paslanmayan poladdan istehsal ediləcək. Asinxron dartı mühərriki ilə təchiz olunan qatarlarda yeni nəsil kompüter texnologiyalarına söykənən idarəetmə sistemləri tətbiq edilib. Həmçinin əvvəlki nəsil qatarlardan fərqli olaraq, yeni qatarlarda tətbiq olunan texnologiyalar sayəsində elektrik enerjisinə 30 faiz qənaət olunacaq. 



Qeyd edək ki, Sovet dövründə Bakı metropoliteninin yeganə vaqon təminatçısı olan "Metrovaqonmaş" şirkəti 2015-ci ilin aprel ayında "Transmaşholdinq" QSC-nin bloklayıcı paketinin sahibi Fransanın "Alstom" şirkəti ilə əməkdaşlıq çərçivəsində Bakı metropolitenini texniki innovasiyalar baxımından 4-cü nəslə mənsub və hər biri 5 vaqondan ibarət 81-760.B/761.B/763.B modelli 3 yeni qatarla təchiz etmişdi. Müqaviləyə əsasən, istehsal olunacaq qatarlar həmin analoqları ilə müqayisədə daha təkmilləşdirilmiş olacaq. Sərnişin rahatlığı və təhlükəsizliyinin müasir tələblərinə cavab verəcək səs-küysüz, kondisionerləşdirilmiş və mikroiqlim nəzarəti olan vaqonlar geniş qapı keçidi ilə seçiləcək.

Əgər əvvəlki modellərdə qapı keçidləri 1250 mm idisə, yenilərində 1400 mm olacaq. Bu isə sərnişinlərin qatara daha rahat minib-düşməsinə, qatarların stansiyalarda yubanmasının qarşısının alınmasına təsir edəcək. Vaqonların sahəsi əvvəlki modellərdən fərqli olaraq 15 faiz genişləndirilib və döşəməsi yeni kompozit materiallardan hazırlanır. Daha etibarlı və uzunömürlü işıqdiodlu işıqlanma sistemi həm də salonun mikroiqlim şəraitinə də uyğunlaşdırılır. Sərnişin informasiya sistemləri, həmçinin müasir elektron və interaktiv elementləri, eləcə də oturacaqları və tutacaqları da əvvəlkilərlə müqayisədə daha təkmilləşdirilərək, sərnişin rahatlığı baxımından yeniliklərlə zənginləşdirilib.

Ümumiyyətlə, Bakı metrosu üçün istehsal olunacaq yeni qatarlar bir sıra yenilikləri ilə seçiləcək və istehsal prosesi dövründə oxucularımıza bu barədə daha geniş məlumat veriləcək.



Xəbərlər
Azərbaycanın aşağı büdcəli şirkətlərinin təklif etdiyi biletlər - Buta Airways artıq satışda

Azərbaycanın ilk aşağı büdcəli aviaşirkətləri saytına xoş gəlmişsiniz – Buta Airways. Bu gündən etibarən Buta Airways –in rəsmi saytında...

Məşhur alman rejissoru "CinemaPlus Azerbaijan"ın qonağı olub

Premium kinoteatr "CinemaPlus Azerbaijan"-da 22 və 29 iyun tarixlərində məşhur alman rejissor Veyt Helmerə həsr edilmiş master-klass və filmlərin nümayişi olub.

Yer kuresinin 2050 ci ile olan ehali sayi aciqlanib

Son on illərdə tibb texnologiyalarının surətli inkişafı bəşəriyyətin ömrünü uzatmağa və dünyaya daha sağlam uşaqlar gətirməytə imkan verir

Ata layklardan ötrü uşağını pəncərədən bayıra salladıb. Məhkəmə onu həbs cəzasına məhkum edib

Əlcəzairdə məhkəmə bir kişini bəyənilmədən ötrü uşağını pəncərədən bayıra sallatdığı üçün onu həbs cəzasına məhkum edib

Bütün məqalələr
Macar caz ulduzu Aron Talasın Bakı çıxışı

Şərqi Avropanın ən yaxşı caz pianistlərindən biri Aron Talas, Aron Talas Triosunun tərkibində, 2019 Caz Festivalı səhnəsində çıxış etdi.

20 Oktyabrda məşhur Belçika caz qrupu Giuseppe Millaci & Vogue Trio Bakı Caz Festivalı çərçivəsində seminar və master-klass təqdim etdi

Tədbir Belçika musiqiçiləri ilə ünsiyyətdə fəal iştirak edən azərbaycanlı gənc musiqiçilər tərəfindən böyük maraq oyatdı.

Oktyabrın 14-də Landmarkda Bakı Caz Festivalının mətbuat konfransı keçirildi

Mətbuat konfransı, Qız Qalası yanında açıq konsert, festivalın başlanğıcı, beynəlxalq festival olan gənc ifaçıların "I’m Jazzman" müsabiqəsi, caz festivalı çərçivəsində bir film proqramı mövzularına toxundu

Yeni ulduzlar üçün jazz konkursu

İ am Jazzman adlı gənc ifaçiların beynəlxalq müsabiqəsinin məqsədi gənc jazz musiqiçilərin istedadlarını üzə çıxarılmasıdır.