Ölümcül döyülmüş: Elmar Bayramovun yeni videosu - əsəbləri zəif olanlar baxmasın
Azərbaycan rejissoru Elmar Bayramov narkotik alüdəçilərinin şüurlu seçiminə təsir etmək, onların fiziki ağrılarını ekranda hiss etdirmək qərarına gəlib.
Azərbaycan rejissorunun "Drugs kill" adlı sosial çarxı ABŞ-da böyük marağa səbəb olub. Bu videonu ABŞ-da çalışan Elmar Bayramov bu günlərdə sosial şəbəkələrdə paylaşıb.
Bu videonun xüsusiliyi ondadır ki, rejissor narkotikin öldürücü təsirinə nəzər salmağı təklif edir. Çarxda naməlum şəxs dəfələrlə gənc oğlanı döyür, sonda isə ona bir neçə ölümcül zərbələr vurur.
Vəziyyətin qəribəliyi ondadır ki, qəhrəman özünü ona əzab verənin zərbəsi altına qoyur.
CİTY LİFE rejissor Elmar Bayramovun dediyi kimi sosial çarx ABŞ-da, daha dəqiq desək, bir neçə narkotiklərlə mübarizə beynəlxalq mərkəzlərinin böyük marağına səbəb olub.Rejissorun bu mərkəzlərlə gələcəkdə işləyəcəyi istisna deyil, lakin rəsmi razılaşma olana qədər o, mərkəzlərin adının mətbuatda səslənməsini istəmir.
Çarxın rejissoru və müəllifi Elmar Bayramovdur. bu video Atlanta İncəsənət İnstitu ilə birgə hazırlanıb.
Sosial çarx BroBart production bazasında hazırlanıb. Aktyor: Elşən Azqarov, kamera: Aaron Bart, montaj: Aaron Bart, Şahmar Həşimov, işıq: Könül Kəngərli, musiqi: Sean Thomas, rəssam -qrimmer: Könül Kəngərli, operator köməkçisi: Josh Diblasi, Jazlyn Dingfelder.
B.M.
