Azərbaycan Xalça Muzeyində “Öz ilməni toxu”

  • 15.05.2018
  • 2499
  • Mədəniyyət

Azərbaycan Xalça Muzeyində “Öz ilməni toxu”

18 may tarixində İCOM Azərbaycan Milli Komitəsinin dəstəyi ilə ölkəmizdə “Beynəlxalq Muzeylər Günü” qeyd olunacaq. Bu il Beynəlxalq Muzeylər Şurası (İCOM) tərəfindən “Hiper kommunikasiya dövründə muzeylər: yeni yanaşmalar, yeni auditoriya” mövzusu elan olunub.

Bu istiqamətdə Azərbaycan Xalça Muzeyi "Öz ilməni toxu" adlı interaktiv instalyasiya hazırlamışdır. Belə ki, muzeyin foyesində "zili" xovsuz xalça növünü toxumaq üçün üç böyük çərçivə-hana quraşdırılmışdır. Çərçivələrdə rəngli iplik kələflər bərkidilib. Hər bir ziyarətçi zövqünə görə rəng seçərək bir və ya daha çox ip sırası toxunan xovsuz xalça üçün toxuya bilər. Muzeyin işçiləri hər zaman köməyə gəlməyə və "zili" tipli xalçaların toxunma texnikasını əyani olaraq nümayiş etdirməyə hazırdırlar. Beləliklə, bu instalyasiya yalnız daim dəyişən sənət obyekti deyil, çox geniş auditoriya üçün nəzərdə tutulmuş ustad dərsi üçün bir alətdir.

Muzeyin direktoru, İCOM Azərbaycan Milli Komitəsinin sədri, sənətşünaslıq üzrə fəlsəfə doktoru Şirin Məlikovanın sözlərinə görə, Azərbaycan Xalça Muzeyi artıq bir neçə ildir ki, qədim xalçaçılıq texnikalarını yenidən dirçəldir. "Zili" - onlardan biridir və ən qədim xalça növlərinə aiddir. “Ziyarətçilərə xalçaçılığı bu mürəkkəb və gözəl xovsuz xalça texnikasının nümunəsi üzərində tədris etmək Azərbaycanın muzey sahəsində atılmış bu cür ilk interaktiv təcrübədir. "Öz ilməni toxu" adlı instalyasiya qonaqları yalnız bir tamaşaçı kimi deyil, həm də digər çox sayda ziyarətçilərin də müəlliflik etdiyi xalça toxuma prosesində özlərini iştirakçı kimi hiss etməyə kömək edir. Həm də maraqlıdır ki, hazır eskizdən fərqli olaraq, işin nəticəsi burada gözlənilməzdir - bu, bir çox insanların təxəyyülündən asılıdır” – deyə o, bildirib.

Beləliklə, bu layihədə iştirak edərək hər bir qonaq unudulmaz təəssüratlar əldə etməklə yanaşı, həm də gələcəkdə məşğul ola biləcəyi bir hobinin əsasını təşkil edəcək yeni bacarıqlar əldə edəcək və ya bu, sadəcə onlara Azərbaycanın milli mədəniyyətinin incəliklərini daha yaxşı dərk etməyə kömək edəcək.

Beynəlxalq Muzeylər Şurasının (ICOM) təşəbbüsü ilə 1977-ci ildə təsis olunmuş 18 may Beynəlxalq Muzeylər Günü gününün məqsədi muzeylərin cəmiyyətin həyatında nə dərəcədə mühüm rol oynadığını göstərməkdir. Azərbaycan Respublikası Mədəniyyət Nazirliyinin təşəbbüsü ilə keçmiş SSRİ respublikaları arasında ilk olaraq 1993-cü ildə Beynəlxalq Muzeylər Şurasının Azərbaycan Milli Komitəsi təsis edilmişdir.



Mədəniyyət
YARAT Teatr Klubu: "Telefon" tamaşası

26 oktyabr tarixində YARAT Teatr Klubu çərçivəsində "Telefon" tamaşası təqdim olunacaq.

YARAT Freestyle / "Səmavi" tamaşası

Sentyabrın 27-i, YARAT Freestyle proqramı çərçivəsində, rejissor və xoreoqraf Raulə Rzayevanın və Rus Dram Teatrının aktrisası Milana Sokolenkonun teatr monolayihəsi olan "Səmavi" tamaşasını təqdim edəcəyik.

Rəssamın gözü ilə: Böyükağa Mirzəzadə

Sizi, "Rəssamın gözü ilə" layihəsi çərçivəsində keçiriləcək Azərbaycan rəngkarlıq məktəbinin görkəmli nümayəndəsi, Azərbaycanın Xalq rəssamı Böyükağa Mirzəzadəyə həsr olunmuş görüşə dəvət edirik.

Heydər Əliyev Fondunun təşəbbüsü ilə yaradılan Bakı Kitab Mərkəzinin açılışı olub

Heydər Əliyev Fondunun təşəbbüsü ilə yaradılan Bakı Kitab Mərkəzi Bakı şəhərində Üzeyir Hacıbəyli və Qoqol küçələrinin kəsişməsində yerləşir.

Bütün məqalələr
BAKU JAZZ FESTIVAL

Kübar sənət biliciləri və zövqlü müsiqi həvəskarları müxtəlif jazz improvizasiyaları ilə zəngin Bakı payızını gözləməkdədilər

“Açıq qapı” günü

Muzey– mədəniyyətin ən gözəl və ən ali dəyərlərinin cəmləndiyi, bəşəriyyətin nail olduğu uğurların nümayiş edildiyi məkandır.

18 may-Beynəlxalq Muzeylər Günü

Beynəlxalq Muzeylər Şurasının (ICOM) təşəbbüsü ilə 1977-ci ildə təsis olunmuş Beynəlxalq Muzeylər Günü hər il 18 may tarixində dünyada müəyyən bir deviz altında qeyd olunur.

Şəkidə Keramika üzrə Beynəlxalq Simpozium keçiriləcək

20 may – 2 iyun 2019-cu il tarixində Şəkidə “Təbiətdən tarixə” adlı Beynəlxalq Keramika Simpoziumu keçiriləcək