Tom Kruz və Emili Blant "Gələcəyin sərhəddi" filminin davamına çəkiləcək

Zamanımızın lazımınca qiymətləndirilməyən fantastik filmlərindən birinin davamı çəkiləcək. "Gələcəyin sərhəddi" 2014-cü il may ayının sonunda çıxıb. Film tənqidçilərin sevimlisinə çevrilsə də prokatda cəmi 370 mln dollar qazandı. Yad planetli işğalçılarla döyüş meydanında olan Tom Kruzun qəhrəmanı müvəqqəti ilməyə düşür və oradan ancaq qəhrəman Emili Blantın köməyilə çıxır.

Heç nəyə baxmayaraq Wаrner studiyası risk etmək və filmin davamını çəkmək qərarına gəlib. Rejissor Daq Layman 2016-cı ilin aprel ayında layihəyə imza atıb, artıq oktyabrda deyirdi ki, "Gələcəyin sərhəddi 2" filmi sikvel aləmində inqilab edəcək.

Collider saytı ilə söhbətdə Layman qeyd edib ki, Tom Kruz və Emili Blant yenidən hərbiçi Bill Keyc və  Rita Vrataskini oynayacaq. Bundan əlavə rejissor deyib: "Bizim əla hekayəmiz var! İnanılmazdır! İlk filmdən daha yaxşı, mən isə ilk filmi çox sevirəm. Sikvel "Yaşa. Öl. Yenidən.Yenidən" (Live Die Repeat and Repeat) adlanır. Tom və Emili işin başlamasını səbrsizliklə gözləyir. Ən əsası vaxt tapmaqdır."