DJ, bəstəkar və "drim-haus" janrının banisi Robert Maylz dünyasını dəyişib
10 may, çərşənbə günü, italyan DJ, bəstəkar və "drim-haus" janrının banisi Robert Maylz (əsl adı -Roberto Konçina) 47 yaşında dünyasını dəyişib. Hadisə İspaniyada baş verib və səbəbi hələ məlum deyil. DJ Mag Italia-nın verdiyi məlumata görə səbəb xəstəlik olub. Yağış Maylzın nə ilə yadda qaldığından və bir gecəyə yazılan Children treki 90-cı illərin ən məşhur hitlərindən biri olduğundan danışır.
Müharibədən "uşaqlara"
Treki yaratmaq ideyası Maylzda atasının Yuqaslaviya müharibəsindən çəkdiyi fotolar seriyasından sonra yarandı. DJ-i həm də italyan reyv-icmasında ölümlərin sayının artması narahat edirdi. Öz kompozisiyası üçün ifa zamanı səsləndirilməyən sözlər də yazmışdı: "Əgər dünyanın bütün uşaqları əl-ələ tutsa idi, bütün nifrət, müharibə və rasizm divarları dağılardı. Uşaqlar bilir, başa düşür və inanırlar ki, hər kəs və əbədiyyət üçün daha çox sevgi lazımdır."
"Avropa dəliliyi" - Maylzın hitini 1996-cı ildə Billboard jurnalının ilk səhifəsində belə adlandırmışdılar. O, etiraf edir ki, kompozisiya bir gecədə ərsəyə gəlib. Lakin onun ilk versiyasında pianinoda ifa edilən ritmik musiqi yox idi. Billboard-un fikrincə məhz bu hissə hiti yadda qalan etdi. Kompozisiyanın ilk veriyası 1995-ci ildə yaranıb və İtaliyada elə də yadda qalmadı. Uğur hekayəsi Mayls onu 1996-cı ildə Mayamidə Kimbo klubda qoyanda başladı. Gecədə Platipus Britaniya indi-leyblının prodüseri iştirak edirdi və o, kompozisiyanın hüquqlarını aldı və onu Avropada yaydı. Bununla da Maylz Avropanın bütün hit paradlarına düşdü və demək olar ki, həmişə ilk beşlikdə oldu. "Mən uğur qazanacağımı gözləyirdim, amma bu miqyasda yox" Maylz etiraf edirdi.
Yüngül bit və fortepianoda ifa edilən yumşaq melodiya "drim-haus" janrının əsasına təşkil etdi. Allmusic portalının məlumatına görə o, kompozisiyanın yazılmasına cəmi 150 funt xərcləyib. 1997-ci ildə ona Brit Awards mükafatı təqdim etdilər və bugünə qədər o, bu mükafata layiq görülən yeganə italyandır.
