Camping & Gramping
Əziz uşaqlar və onların valideynləri! Yay düşərgəmizin ən qaynar vaxtıdır və 17-21 iyul həftəsi fotorafiyaya həsr ediləcək. Kurs fotoqraf Elmar Mustafayev rəhbərlik edəcək. "Storytelling through photography"kursu yeni başlamaq istəyənlər üçün nəzərdə tutulub.
Məşğələlər zamanı Elmar fotoqrafiya seriyası yaratmağa kömək edəcək. Bundan əlavə şəklin keyfiyyətinə təsir edən faktorları öyrənəcəksiniz: fokus, kompozisiya və s. Əlbəttə ki, kurs "Qazaxıstan üzərində Günəş və Neon" sərgisində nümayiş olunana 16 rəssamın işlərinin dərinliyinə varmağa əlavə imkan verir. Uşaqları və 13-17 yaş arası yeni yetmələri kursa dəvət edirik. Uğura gedən ilk addımı bizimlə birlikdə atın!
Özünüzlə smartfon (və ya kameralı digər mobil qurğu) və əla əhval-ruhiyyə götürməyiniz şərtdir! Proqramın yekunu YARAT mərkəzinin ərazisində təşkil edilən kiçik bir sərgi olacaq. İştirak etmək istəyənlər 15 iyula qədər info@yarat.az ünvanına "Yay düşərgəsi" qeydi ilə müraciət edə bilər.