Linkin Park qrupunun vokalisti Benninqton intihar edib
Hüquq mühafizə orqanlarının verdiyi xəbərə görə 41 yaşlı musiqiçi Kaliforniyada Palos-Verdesdəki evində ölü tapılıb.
KİV-in məlumatına görə Çester intihar edib, o, özünü asıb. Benninqton bir neçə il ərzində narkotik və alkoqolik asılılıqdan əziyyət çəkib. Həmçinin o, uşaqlıqda seksual zorakılığa məruz qaldığını və buna görə də intihar etmək istədiyini deyirdi.
Musiqiçinin dostları və kolleqaları sosial şəbəkələrdə baş sağlığı bildirir. "Mən sadəcə şokdayam və olduqca kədərliyəm, təəssüf ki, bu doğrudur. Tezliklə rəsmi məlumat veriləcək" - Linkin Park qrupunun yaradıcılarından biri Mayk Şinoda yazır.
